Þengill

Solla sá að sér og þorði ekki annað en að setja link á síðuna mína!! ;) Segi ég sem er ekki með neina linka á minni síðu. Það er nú bara eintómur aulaskapur í mér. Ég einfaldlega kann það ekki. Ég þarf að fá hana Ýr mína til að kenna mér þetta. Annað er ómögulegt.
Ég er frekar lélegur tölvunörd. Ég er rokkari!!! ;) Rokkarar eru ekki tölvunördar. Sem er miður. Því það er alltaf gott að kunna á tölvur. Lengi lifi rokkið!!!!!!!!!!!! Rokkarar sitja ekki fyrir framan tölvur í frítímum sínum. Þeir hrækja á gamlar konur, múna á forsetan, ganga í leðurjakka og leðurbuxum með sítt hár, og pissa með rassin beran á styttur bæjarins. Ekki það að ég hafi gert nokkuð af þessu. Ekki nema þetta með leðrið og hárið!! hehe!! Mér fannst þetta bara sniðugt!!!

Innflutningspartý hjá Mínu og Einari í kvöld. Svaka stuð örugglega. Syngja á útskrift á morgun laugardag. Sé ekki alveg fyrir mér hvernig við komumst fyrir á pöllunum í Háskólabíói. Í fyrra var kórinn bara 25-30 manns. Og þá vorum við öll í kremju. Núna er kórinn um 50 manns. Verður skrautlegt. Einn að útskrifast hjá okkur. Raggi stórtenór. Tumi mun ekki stjórna okkur, Egill (fyrrverandi stjórnandi) mun stjórna okkur. Kemur sér ferð frá Ítalíu til að stjórna okkur. Held meira að segja að Tumi borgi fyrir hann ferðina.
Veit ekki alveg hvað Tumi er að fara að gera. Held að hann sé að "útskrifast" eða eitthvað álíka, í Bandaríkjunum.
Flöskudagur er alltaf góður dagur!!!

Kórpartý á laugardaginn, veit ekki hvar. Auglýst betur síðar. Ég vil fá gamla góða félaga í partýið. Ég er farinn að sakna ykkar. Solla, Hrefna, Þorgeir, Sverrir og öll hin takið þetta til ykkar!!!

Ég hef nú eitthvað lítið að segja þessa dagana. Ég fer bara í vinnuna, fer svo með Gosa eitthvað að sprikla. Kem svo heim, borða eitthvað eða ekki, glápi á imbann og sofna. Skemmtilegt líf það!! Þetta heitir að eiga ekkert líf. Ég á semsé ekkert líf utan kórsins. Nema náttla lífið með honum Gosa mínum. Barninu mínu!! ;) Það er nú ekki leiðinlegt. Nýjasta æðið hjá honum er að fara í krók við mig. Þá kræki ég baugfingri í vígtennurnar hans og togast á við hann. Mjög skemmtilegt!! Snilldin er að hann bítur ekki saman því ég er með puttana uppí honum. Gott í bili!!!!

Jæja, þá er kominn enn einn mánudagurinn. Þetta var hin rólegasta helgi. Vídjó á föstudag með Ýrslu pírslu og Biggalíus. Vinna á laugardag, brjálað að gera. Fórum svo í smá göngutúr, ég og Gosi. Í kuldanum. Gríðarlega hressandi. Ákvað svo á síðustu stundu að skella mér á árshátíðina hjá Húsamiðjunni. Frítt að borða!!! ;) Ótrúlega góður matur. Nautakjöt, Kalkúnn og innbakað lambakjöt. Alger snilld!! Nennti svo ekki að hanga þar mikið lengur. Kláraði að borða. Ætlaði svo að reyna að hóa einhverju fólki á kaffihús. En fólk var eitthvað misjafnlega upptekið. Endaði á því að við Sigga Víðis fórum á rúntinn. Sérdeilis prýðilegt. Þegar ég kom heim var varla líft á Lokastígnum fyrir reyk af brennandi húsum á Laugaveginum. Vindurinn stóð akkúrat frá brunanum í átt að Hallgrímskirkju og þar með talið Lokastígnum. En ekki stoppaði það mig í að sofna. Ég get alltaf sofið. Það er með ólíkindum.
Á sunnudeginum fóru við Gústav, Emilía, Fluga og Gosi í góðan göngutúr niður á Vatnsleysuströnd. Sáum þar tvo minka. Munaði engu að hundarnir næðu þeim báðum. Þeir rétt sluppu ofan í holu og út í sjó. Þá hefðum við orðið nærri 5000 kalli ríkari.
Svo tók ég mér bara vidjómynd í gærkvöldi og horfði á Popppunkt á Skjá 1. Snilldar þáttur. Í þessum þætti tók Rokksveit Rúnars Júl. Sykurmolana í nefið. Það var allavega ekki Rúnari Júl að þakka. Hann vissi frekar lítið. Hann svaraði Rolling Stones spurningunni alveg um hæl!! Þá er það nú eiginlega upptalið. Hann gat verið sammála hinum. Dr. Gunni var einstaklega ljótri skyrtu. Ýrr og Auður hefðu fílað hana. Þetta var svona svört glansskyrta með einhverju kúreka munstri. Alveg einstaklega ljót!!! En skemmtilegt allt saman engu að síður!!!