<$BlogRSDUrl$>

30. mars 2005

Jæja 

Sælt veri fólkið!!!
Mikið er nú langt síðan ég hef bloggað eitthvað af viti!!!
Ég hef haft nóg fyrir stafni svosem.
Gengur bara nokkuð vel í söngnáminu. Ég söng einsöng í fyrsta skipti á ævinni um daginn.
Söngkennarinn plataði mig, og tvo aðra nemendur, í að syngja á Hótel Selfossi á einhverjum aðalfundi. Þar voru t.d. Guðni Ágústson og Friðrik Sófusson. Það gekk bara vel.
Svo tek ég próf í vor, bæði fyrsta og annað stig. Sem ég er bara nokkuð sáttur við.
Svo á ég líka að syngja einsöng með kórnum mínum í vor. Allt að ske!!! :)

Mér áskotnaðist jeppi á dögunum. Nánar tiltekið Mitsubishi Pajero árgerð ´88. Fyrir mjög lítinn pening. Að vísu með ónýta vél. En minn bara fann ný uppgerða vél á Búðardal sem minn fékk á 20þús. Þannig að helgin fyrir páska fór í það að skipta um vél. Byrjaði um kl 22:00 á föstudagskveldið og bíllinn fór í gang með nýju vélinni á laugardagskvöldið um miðnætti. Gerði allt sjálfur. Rétt fékk hjálp við að lyfta gömlu uppúr og setja hina ofaní. Annars allt sjálfur, rífa og losa, púsla og festa. Ég er rosa stoltur af mér!!! :)
Og ég, Hrafnhildur og Gosi brunuðum á jeppanum norður í land um páskana og bíllinn stóð sig með prýði. Ekkert sem bilaði eða klikkaði!!! :)

Eins og ég sagði þá fórum við norður í land um páskana. Norður í Skíðadal, sem er dalur sem gengur innaf Svarfaðardal. Þar á fjölskyldan hennar Hrafnhildar ættaróðal.
Sérdeilis prýðilegt. Snilldar veður og snilldar staður. 10-13 stiga hiti logn og sól.

Þetta er gott í bili. Þangað til næst!!! :)

This page is powered by Blogger. Isn't yours?